Bütün yazılar
4 dəqMəhsul və strategiya

Klinika üçün onlayn növbə və idarəetmə sistemi: nədən başlamalı

Telefon zəngləri, kağız jurnallar və əl ilə köçürülən analiz nəticələri. Klinikada rəqəmsallaşmanı hansı addımdan başlamaq ən çox fayda verir?

Xəstəxana idarəetmə sistemi üzərində aparıcı developer kimi işləyərkən gördüyümüz ən böyük dərs budur: klinikada problem texnologiyanın olmaması deyil, məlumatın dağınıq olmasıdır. Qeydiyyat bir yerdə, analiz nəticələri başqa yerdə, həkimin qeydləri isə üçüncü yerdə saxlanılır.

1. Onlayn növbə

Ən tez nəticə verən addımdır. Pasiyent saytdan və ya telefondan həkimi və boş vaxtı seçir, SMS və ya WhatsApp ilə xatırlatma alır. Qəbulda telefon yükü azalır, gəlməyən pasiyentlərin sayı düşür.

2. Vahid pasiyent kartı

Hər pasiyentin ziyarətləri, diaqnozları, təyinatları və faylları bir kartda toplanır. Həkim keçmiş məlumatı axtarmağa vaxt itirmir.

3. Cihazlardan avtomatik məlumat

Laborator və monitorinq cihazlarının göstəriciləri sistemə avtomatik düşəndə əl ilə köçürmə və bununla bağlı səhvlər aradan qalxır. Real vaxt monitorinqi ilə həkim pasiyentin vəziyyətini gecikmədən görür.

4. Hesabatlar

Rəhbərlik üçün gündəlik pasiyent sayı, həkimlərin yüklənməsi və gəlir hesabatları bir kliklə çıxır.

Mərhələli başlayın

Hər şeyi bir dəfəyə qurmaq lazım deyil. Əksər klinikalar üçün düzgün ardıcıllıq budur: əvvəlcə onlayn növbə, sonra pasiyent kartı, ardınca cihaz inteqrasiyası və hesabatlar. Hər mərhələ ayrıca dəyər verir və növbəti üçün zəmin yaradır.

Klinikanız üçün hansı addımın daha vacib olduğunu birlikdə müəyyən edək: brif göndərin, 24 saat ərzində cavab verək.

Digər yazılar

Hamısı →